Elong Kelong Mallongi-longi -->
Cari Berita

Elong Kelong Mallongi-longi

Agus Larumpang

Sajak Bugis
 Elong Kelong Mallongi-longi

Tania elong kelong kutajeng mallongi-longi
Tania welua maggatta sampo geno usappa
Tania wija maddara takku mabbaju tokko ku parilaleng ati; 

Nennia ana dara welang pelang maraja cabberu, Malebbi ri pangkaukengnna
Matongeng ri werekaddana 
Utajeng mappakuru sumange 
Mappasau cinna ati 
Ri ati malempu dan macinnong; 

Tania towarani mattekeng kalewang Ri yatau pappolo gau 
Tania panrita ade makkeada temmakkeade 
Tania werekkada matoro riolo pangkaukeng mappatunru tau maega. 

Nennia ri seddie tau maraja kamase
Mapaccing na macinnong ri ininnawa 
Matongeng werekada 

Magetteng ri pangkaukeng 
Malempu temmapasilengeng...
Kuarennuang mappalebbang deceng risalipurenna decengnge  

Mawwinru bettang pallawa lipu 
Papole deceng...
Deceng Ri assamuturusi to maega
Napattongeng dewata;  

Tabe ripattuju asallakku 
Narekko engka atappasalakku rilaleng werekkada